لم يكن يتوقع رامز مراد أن يفقد زوجته وحبيبته زوج كارولين منتصر، التي رحلت مؤخرًا، بعد وضعها مولودها الثاني بـ11 يوما، الأمر الذي أصاب الزوج بالصدمة معربًا عن عدم قدرته على الحديث أو التعبير، وكتب رامز عبر فيسبوك: مش هعرف أتكلم معاكي تاني، غير إني أتكلم مع نفسي وأنت تسمعيني.
رامز واصل كلامه، وقال إنه لن يستطيع سوى أن يفعل أكثر شئ كانت زوجته تحبه وهو نشر البوستات، قائلا:”أنتي تفرحي بيها وتيجي آخر اليوم وأنت جنبي تقوليلي فرحت باللي نزلتهولي، وأقول أي خدعة، عشان تعرفي بحبك قد إيه، بس تقريبا كده أنت مكنتيش قادرة تفهمي ولا تستوعبي أنا بحبك قد إيه، مكنتيش متخيلة مثلا إن قلبي كان معاكي أنتي”.
وفي تصريحات صحفية، نفى الزوج رامز مراد أن تكون زوجته كارولين منتصر ماتت وهي حزينة، قائلا إن ما يتردد ليس له اساس من الصحة وأنهما كانا يعيشان حياتهما في حب ودون مشاكل.
ونعى رامز زوجته:”كسرتيني وسيبتيني يا كركر.. سيبتيني لمين يا كركر.. وحشتيني يا كركر ..ارجعيلي يا كركر.. سمعاني يا كركر ..مش بتنزلي بوستات وصور ليا ليه رامز.. عشان مش بحب السوشيال ميديا يا كركر.. بس بحبك انت يا كركر.. محتاجك يا كركر”.
وأضاف الزوج المكلوم: “ليه ليه تعملي فيا كده ليه، عشان إيه مين هيصبرني ويطبطب عليا قبل ما أنام يا كركر مين، مين هيقولي اتصرف انت انا واثقه فيك يا كركر.. يا كااااروليين صعب يا كارولين صعب يا أمي صعب يا نور عيني من جوه صعب، وتقيل الحمل يا كركر، صعب يا حياتي أعمل إيه طيب أنا لوحدي، بيقولولي ربنا يصبرك يصبرني ازاي يا كركر يصبرني عن إيه يا كارولين وعن مين عنك انت انت يا كارولين تعملي فيا أنا كده ده أصدقها من أي حد إلا انت يا كارولين أنا عايزك يا كارولين ارجعي ارجعي يا كارولين”.
