حذر مطرب المهرجانات، حمو بيكا، أقاربه، وذلك عبر لايف بحسابه الرسمي بموقع التواصل الاجتماعي “فيسبوك”، من اللجوء لوالدته وطلب منها أموال، قائلا:”بلاش تتصلوا بوالدتي وتطلبوا منها شيء علشان هي معهاش حاجة تديها ليكم، والمرة دي بقول القرايب والمرة الجاية هذكركم بالاسم، مش لاقي تاكل أو مش معاك مش ذنبي يا قلبي، أنا كنت بشتغل وباخد 15 جنيه ومرتبي في الأسبوع كله 120 جنيه، وما قلتش أديني وأنت كنت معاك ومرتاح وأنا كنت قاعد في أوضة وصالة”.
حمو بيكا يحذر أقاربه
وتابع: الناس اتكلمت على الرسول مش هتتكلم على العبد لله، وفيه ناس كتير عندهم صفار ومش قادر أوصفه، ولو مش لاقي تاكل اشتغل يا بابا أو يا ماما بدال ما بتطلبي ببجاحة وبتشحتي ببجاحة، وما تبقاش نايم في بيتك واشتغل.. أنا بدي لحد يستاهل ولبيتي أو أخواتي أديك أنت بتاع إيه، وفي شغلتنا لو شوية تعب جهم هنام، ومفيش حاجة بتدخلنا تاني.
سبوع بنت حمو بيكا
قال مطرب المهرجانات حمو بيكا إنه مر بفترة صعبة بعد سبوع ابنته بسبب الحسد، مشيرًا إلى أن ما قيل بشأن تكلفة السبوع غير صحيح.
حمو بيكا وحسن شاكوش
وفي سياق آخر، علق مطرب المهرجانات حمو بيكا على هجوم حسن شاكوش بسبب عدم دعوته لحضور سبوع ابنته “تاج”، حيث نشر مطرب المهرجانات حمو بيكا فيديو عبر حسابه بموقع التواصل الاجتماعي Facebook، قال فيه: “حسن شاكوش زميلي وأخ ليا.. وبيقولوا عدوك ابن كارك، وأنا يا ابني مش عدوك، أنت أخويا وعلى دماغي”.
وأضاف: “كلمتك كذا مرة تليفونك مقفول، وقابلت مدير أعمالك وقلتله بتصل بحسن وموبايله دايمًا مقفول، وقلتله إديله الدعوة، وقوله سبوع بنت أخوك يوم كذا”.
