تحيي الفنانة شيرين عبد الوهاب، حفلا بدولة الكويت، على مسرح الأرينا وذلك يوم السبت الموافق 29 من شهر أكتوبر الجاري.
حفل شيرين بالكويت
ونشرت شيرين، البوستر الدعائي الخاص بحفلها عبر حسابها الشخصي بموقع تبادل الصور والفيديوهات “انستجرام”، وعلقت: “وحشتوني أوي أشوفكم في تاريخ 29 أكتوبر في الكويت على مسرح الأرينا”.
كانت شيرين قد شاركت الطفل محمد أسامة، صاحب أغنية “الغزالة رايقة”، في تقديم أغنية “وأنت ماشي في سيناء حاسب”، خلال فعاليات الندوة التثقيفية للقوات المسلحة بحضور الرئيس عبد الفتاح السيسي.
وأنت ماشي في سيناء حاسب
وقول كلمات الأغنية:
“وأنت ماشي في سيناء حاسب.. رمل سيناء كله دم
من زمان مات هنا خال وأب وابن عم
وناس كتير مش معدودين
وجد كان شايل في جيبه سلسلة مكتوب عليها اية من سورة ياسين
جدتك تدعيله يرجع وهو نفسه في الشهادة
تدعي هي بس هو عمره مرة ما قال أمين
وأنت في سيناء حاول تفتكر مات هنا مين
وانت ماشي في سيناء ادعي واحنا وياك نقول أمين
كل شبر في سيناء غالي
أرضها ملهاش مثيل
شمسها وضحكة نهارها ونور قمرها في ليل طويل
شوف بساطة أهلها والطبيعة وسحرها
أو جمال الجو فيها ولا مية بحرها
وأنت ماشي في سيناء ادعي
رحلة العدرا ويسوع عدوا فيها من هنا
وفى أرضها سيدنا موسي عاش وكلم ربنا
سيناء درة تاج بلدنا
ردها لينا جدودنا
والنهاردة بقت أمانة لينا وولاد ولادنا
وعد نصونها بحياتنا
عهد من جيل لجيلنا
وانت ماشي حاول تفتكر مات فيها مين
وانت ماشي في سيناء ادعي واحنا وياك نقول أمين
