أمور بسيطة، تعرض الفنان هشام جمال لانتقادات كبيرة، بعد طرحه أغنية الجديدة «أمور بسيطة»، مع خطيبته الفنانة ليلى أحمد زاهر، والتي صممت بواسطة الذكاء الاصطناعي،الأمر الذي جعله يقوم بحذف فيديو الأغنية من حسابه الرسمي على فيسبوك.

أغنية أمور بسيطة

كان هشام جمال، أعلن عن طرح أغنية أمور بسيطة بنشر برومو ترويجي من كليب الأغنية، لكنه بسبب هجوم الجمهور استبدل فيديو البرومو ببوستر وصورة من العمل، حيث أثارت أغنية أمور بسيطة، جدلًا واسعًا على كافة مواقع التواصل الاجتماعي، بعد طرحها بدقائق.

وعلق هشام جمال على أغنية أمور بسيطة قبل حذفها، قائلا:”أول تجربه عربيًا وقد يكون عالميا لصناعة فيديو كليب بالكامل بالذكاء الاصطناعي وبدون تغيير ملامح وشوش المغنيين وإن شاء الله هتشوفوا تطور اكبر بكثير في الاعمال الجاية، تعالوا نخلي الأمور بسيطة”.

كلمات أغنية أمور بسيطة 

شايف رايحين

أنا وأنتي على فين

ومش متفائل

خايف أوي أكون قاري اللي جاي صح

ونكون هنعيش في مشاكل

بكلمك بفهمك أن اللي بينا أكيد هاممني

بشهدك.. بتتهدي وتبعدي ودايما تقولي

مش فاهمني وتعندي

تعالي نخلي الأمور بسيطة

مش خناقة إحنا المفروض بنحب بعض

تعالي نسيبنا من النكد ده أنتي السند

هو إحنا مش كان بينا وعد

خايفة بعدين نخسر بعض إحنا الاتنين

أنا مش متفائلة

وبحاول فعلا أكون وقت ما يحصل أي مشاكل هادية وعاقلة

منأثرة متوترة تفكيري في موضوعنا مخليني متغيرة

وطريقنا واخدنا لوراء

يا ترى مقصرة وبقول هل ممكن يوم تسيبني يا ترى

تعالي نخلي الأمور بسيطة

مش خناقة إحنا المفروض بنحب بعض

ليه بينا سد شيل أي سد

تعالى نتعاتب بصراحة وقول بجد

كان نفسي أقولك واقنعك

بس أنا هسكت واسمعك هتقولي إيه

لا مش هتسكت هتقولي ليه

خايف كلامي يوجعك وأبقى بإيدي بضيعك بتعاندي ليه

العند ده بسبب إننا محتاجة أعيش مطمنة وأنا لسه خايفة

آسف لخوفك وأنتي عارفة

مش كل حاجة للأسف ينفع يصلحها آسف

معلش آسفة

تعالي نخلي الأمور بسيطة

مش خناقة إحنا المفروض بنحب بعض

ليه بينا سد شيل أي سد

ده أنتي هو إحنا مش كان بينا وعد

خطوبة هشام جمال وليلى زاهر

كان الفنان والمنتج هشام جمال قد احتفل منذ أيام بخطوبته للفنانة ليلي زاهر، حيث شاركا صوراً من احتفالية الخطوبة، وعلقت ليلي على خطبتها، قائلة: “الحمد لله 2024 بتبدأ بخبر سعيد علينا، من أيام قليلة كانت قراءة الفاتحة، وإن شاء الله الخطوبة قريبا، نتمنى من كل الناس تدعيلنا بالتوفيق والسعادة والخير”.

ونشر والد العروس الممثل أحمد زاهر، صوراً من المناسبة السعيدة وكتب: “الحمد لله الذي بنعمته تتم الصالحات تم بحمد الله قراءة فاتحة ابنتي ليلى على ابني وحبيبي وصاحبي هشام جمال كل التمنيات الطيبة للعروسين وألف مبروك لحبيبة قلب بابا وروح بابا ليلي ربنا يسعدكم ويبعد عنكم العين”.