تصريحات نارية أدلى بها الفنان القدير فاروق فلوكس لوسائل الإعلام أعرب فيها عن استيائه من سخرية محمد رمضان لتجسيده شخصية صبي العالمة في فيلم “الراقصة والسياسي” للفنانة القديرة نبيلة عبيد.
وقال فلوكس في تصريحات صحفية له: “محمد رمضان بيتكلم بفلوسه مش بلسانه، وأنا مش زعلان من كلامه لأنه عيل وأنا مش هرد على أطفال”.
فاروق فلوكس يرفض أعمال محمد رمضان
وتحدى فلوكس رمضان، قائلا: ” إذا كان هو رافض يعمل دور صبي عالمة، اللى هو أصلا ميعرفش يعمله، أنا كمان لا أقبل تجسيد شخصية بلطجي أو واد صايع بسكينة في الشارع”.
ولم يقلل فلوكس من قدرات محمد رمضان التمثيلية، قائلا:” مقلناش حاجة هو ممثل كويس بس برضو لازم يروح لدكتور نفسي، بيهاجم فريد شوقى الملك في المجال ولازال الملك، لكن هو بقا ملك ايه.. ملك الحواري للشوارع والعيال البايظة”
هجوم محمد رمضان على فلوكس الكبير
وخلال لقائه الإعلامية نجوى إبراهيم المذاع على قناة النهار، هاجم محمد رمضان الفنان فاروق فلوكس، وقال: “فنان كبير عمل أشياء أرفض أن أفعلها، عمل أدوار صبي عالمة ولو هشحت مش هبقى زيه ولا هاقدم الأدوار دي”.
