اعترفت الفنانة نهى العمروسي بأنها أخطأت في تربية ابنتها “نازلي مصطفى كريم” التي تورطت في القضية المعروفة إعلاميا بـ “قضية الفيرمونت”.
أخطأت في تربية بنتي
وقالت نهى، أثناء ظهورها في برنامج “كلام الناس” المعروض على فضائية “إم بي سي مصر”: “أنا غلطت طبعا في تربية بنتي، بعض الغلطات، ومنها غلطات كبيرة يعني، الطريقة اللي قولتلها بيها إن باباها مات، مش ندمانة، أنا بواجه نفسي”.
وأضافت: “بلغتها بطريقة عبيطة، هي كانت عندها 4 سنين، وبعدها بكام شهر وهي قريبتها في سنها ملك، قعدوا يدوروا مصطفى مصطفى تحت الكنب، قولتلها، مصطفى راح لربنا، بعدم وعي، البنت ضحكت ضحك هستيري، الريأكشن يبين إنه مش حقيقي، كان لازم استشير دكتور متخصص في نفسية الطفل عشان أعرف أقولها مثلا إزاي الخبر ده، مش عايزة أقول لا مبالاة عشان مكربجش نفسي، بس ممكن يكون برضه في كم لا مبالاة، والموقف أثر فيها قوي قوي، ومش عايزة أتكلم، مصطفى مأثر فيها، بتدور عليه في كل حتة، هي قالتلها وهي عندها 9 سنين، مش مصدقة إن باباها مات”.
أعمال نهى العمروسى
وتزوجت نهى العمروسى من الفنان مصطفى كريم وأصيب بالسرطان، ثم توفي في عمر صغير، ولم تتزوج بعده، وأنجبت منه ابنتها نازلي.
نهي العمروسي شاركت في أعمال كثيرة أبرزها “جزيرة الشيطان”، “العذراء والعقرب”، “حنفي الأبهة”، “حارة برجوان”، “اللعب مع الشياطين”، “حلق حوش”، “هيستريا”.
كما شاركت فى مسلسلات تليفزيونية منها “إحنا الطلبة”، الحارة”، “مملكة الجبل”، “شارع عبدالعزيز”، “البلطجي”، “ضمير أبلة حكمت”.
