أثارمطربو المهرجانات حسن شاكوش وعمر كمال وحمو بيكا، الجدل بظهورهم في كواليس تصوير فيديو كليب لأغنية جديدة تجمعهم، وتم تداول مقطع منها ليثير الكثير من الجدل بين الجمهور.
شاكوش وبيكا وعمر كمال
ظهر مطربو المهرجانات الثلاثة إلى جوار سياراتهم الفارهة، بينما حملت «لوحات السيارات» التي ظهرت في الفيديو الأحرف الأولى من أسماء المطربين، فظهرت سيارة حسن شاكوش بلوحة كانت «ح- س- ن 666» وسيارة حمو بيكا «ح -م- و333» وعمر كمال «ع -م- ر 1».
ونشر عمر كمال فيديو على حسابه الرسمي على موقع «إنستجرام» فيديو، وهم يصورون الفيديو كليب ويرقصون على ألحان أغنية «الشماتين مستغربين أني بخير لسة» المقرر صدورها قريبًا.
وتفاعل الجمهور بتعليقاته على ظهور المطربين الثلاثة بلوحات سيارات تحمل أسماءهم، على سيارات فارهة تتراوح أسعارها بين 5-8 مليون جنيه، وعلق بعضهم ساخرًا :«شقيوا بجد»، و«حصاد سنين تعب».
حسن شاكوش مع رامز جلال
وفي سياق آخر، خرج حسن شاكوش في لايف عبر حسابه الرسمي بموقع التواصل الاجتماعي «إنستجرام»: «عايز أقول لجمهوري متزعلوش حقكم عليا كنت عايز أقدم ليكم أحسن حاجة وحلقة حلوة عشان إحنا في جو رمضان وعايز الناس تنبسط، وأنا عارف إني رايح لرامز بالرغم من أي حاجة هتحصل بس قلت المهم الناس تنبسط، آسف على اللى أنتم شفتوه في الحلقة عشان كمان الحلقة مكملتش ومحصلش نصيب».
وأضاف: «انا اتفاجأت إن في ضيف تاني، والحمدلله على كل حال وكل واحد مش بيأخد أكتر من نصيبه، وبقول لرامز متزعلش وحقك عليا أنا عارف إنك كنت عايز تقدم أحلى حاجة لجمهورك، وبتأسف لكل الناس اللى سمعت أي ألفاظ مش كويسة حتى لو مش مني».
