ياسمين عز للستات: الراجل اللي بيحب مراته بيموت بدري

واصلت الإعلامية ياسمين عز، إثارة الجدل بتصريحاتها عن الرجل والمرأة، وذلك خلال برنامجها كلام الناس المذاع على فضائية “إم بى سى”.

وقالت ياسمين، إن الراجل اللي بيحب مراته وعياله وبيكون كوي سمعاهم بيموت بدري.

السكرتيرة “خطافة الرجالة”

وكانت ياسمين عز، قالت فى وقت سابق في برنامجها،إن الدراما صورت السكرتيرة بالشخصية “خطافة الرجالة” ولازم جوزك يكون بيخونك معاها، مضيفة:” ده مش صح دي بتكون شخصية كويسه جدًا وبتساعد جوزك في الشغل في حاجات كتير”.

ياسمين عز.. “أمينة” وتنتظر “سي السيد” أم عاشقة للتريند؟

وحذرت ياسمين عز الستات من النكد وإثارة المشكلات، موضحة:”: اللي مش بيعمله قدامك هيعمله من وراكي وبلاش تنكدي عليه عشان ميبقاش خايف يرجع البيت”.

نصيحة ياسمين عز للستات

وأضافت: “سيبي الراجل يفك عن نفسه شوية، مفيهاش حاجة لما يقعد مع زميلته في الشغل ويأكلوا سوا سبيه يفك عن نفسه ميبقاش نكد في البيت والشغل”.

كانت الفنانة سلوى خطاب حلت ضيفة على الإعلامية ياسمين عز، قائلة: “كان عندي واحدة صاحبتي لها آراء زى آرائك كده، وليها آراء متطرفة، كنت بقولها هستنى لما تتجوزي وأشوفك وإنتي بتتجرجري من شعرك في الريسبشن، وفعلا اتطلقت بعد ما جوزها جابها من شعرها”.