حفز الفنان تامر حسني جمهوره في رسالة حثهم فيها على كسر قيود اليأس ومواجهة التحديات بإصرار، مستشهدًا بتجربته الشخصية في تخطي الصعاب.
تامر حسني: نجحت رغم الفقر الشديد والتفكك الأسري
ونشر تامر حسني مقطع من أغنيته الشهيرة طول ما أنت مش تمثال، وكتب عبر حسابه بموقع تبادل الصور والفيديوهات القصيرة إنستجرام قائلًا: حبايبي اللي بيفكروا حالًا، دي رسالة ليكم، قضبان سجن أفكارك السلبية هي من صنعك أنت، محدش حابسك والله، أنت اللي حابس نفسك، مجرد ما تبطل تفكر بشكل يائس، هتقع كل القضبان، وهتخرج من سجنك، وهتنجح، وهتحقق كل اللي نفسك فيه وأكتر.
وتابع: أقسم بالله، قبل ما أنجح، ياما كنت بسمع جمل زي أنت مستحيل تنجح، صوتك مش هيوصل، مافيكش مواصفات النجم، ده غير الفقر المادي القارص، والتفكك الأسري من سن 7 سنين، يعني إحباط من كل الجوانب، بس عمرّي ما يأست، ولا سمعت للكلام المُحبط، بالعكس، كان بيحمّسني أكتر، ويزودني عناد للوصول.
وأضاف: خليكم كده، قوموا اتحركوا، واسعوا.. الحياة لا بتحب ولا هتضحك للمستسلم، ولو مش عاجبك مكانك في الدنيا؟ غيّره، أنت مش تمثال.
