“كنت زي العيلة اللي فرحانة بيوم العيد”.. بدرية طلبة ترد على السخرية من فيديو أميتاب باتشان

علقت الفنانة بدرية طلبة على السخرية من فيديو اعترافها للنجم الهندي أميتاب باتشان بحبها له في حفل توزيع جوائز Joy .

بدرية طلبة وأميتاب باتشان

وقالت بدرية طلبة، في تصريحاتها مع مقدمة البرامج بوسي شلبي،:”في ناس مينفعش نختلف عليهم، الناس انتقدتني وقالوا دي بتجري ورا أميتاب باتشان عشان تتصور معاه، أه أجري وراه دي الصورة معاه تذكار ليا ولـ أحفادي، أنا كنت زي العيلة اللي فرحانة بيوم العيد في حفل Joy Awards، وعمالة أجري وأتصور مع كل الفنانين والنجوم”.

وأضافت: وصلت 55 سنة، الطفلة اللي جوايا مش هتزيد عن 18 سنة، وأنا بتبسط جدًا لما راجل أو ست كبيرة يقولولي إنتي بتضحكينا، وأنت حر ما لم تضر ونفسي تكون دي شخصيات الناس كلها على السوشيال ميديا.