خالد سرحان: عادل إمام “عقليته كبيرة” ومستحيل يجيله زهايمر

استنكر الفنان خالد سرحان، شائعة إصابة الزعيم عادل إمام بالزهايمر، مؤكدا أن عقليته كبيرة ومن المستحيل تعرضه لمرض الزهايمر لأنه يحافظ على حالته الصحية.

عادل كويس جدًا وعقليته كبيرة

وقال خالد سرحان في مداخلة هاتفية ببرنامج “حديث القاهرة”: “عادل كويس جدًا وهل عقلية كبيرة زي عقلية الزعيم يجيلها زهايمر يعني الراجل برضو مركز وعارف وصحته بخير الحمد لله مفيش أي حاجة خالص وهو زي الفل”.

الموضوع بيقلب بسخرية

وأضاف”عادل إمام ساعات بيسخر من الصفحات اللي بتقول إن عادل إمام في المستشفى، فالموضوع بيقلب بسخرية لأنه كتر أوي”.

وأضاف: أنا بطمن الناس على صحة الزعيم هو زي الفل، ومن حق الناس تخاف عليه لأنه في وجدان المصريين كلهم، ولكن رفقًا بالناس كفاية إشاعات هما بني أدمين بردوا وأولاده ممكن يزعلوا وأحفاده لأنهم شايفينه كويس، وكل شوية شائعات بتفّول عليه.