قال الشيخ خالد الجندي، عضو المجلس الأعلى للشئون الإسلامية، إن الله سبحانه وتعالى يأمرنا بتذكر كل ما يفيد ولا يأمرنا بنسيانه، قائلا: ربنا بيقول وذكر فإن الذكرى تنفع المؤمنين، والإسلام يأمر بأن نتذكر ما يفيد ويأخذ بيدنا ولا يؤمر بنسيانها.
وأكد خالد الجندي، عضو المجلس الأعلى للشئون الإسلامية، خلال برنامج لعلهم يفقهون، المذاع على قناة dmc، اليوم الأربعاء، أن الإسلام يحث على فضائل الأعمال ويأمر بتذكرها ويجب الانتباه لها، مضيفا: لما نشجع أي محاولة لإقامة شعيرة أخلاقية يبقى أهلا وسهلا ويقولك مثلا عيد الأم، أيوة معندناش في الإسلام حاجة اسمها عيد الأم، ولكن عيد بمعنى يوم نتذكر ونفتكر فيه وايه المانع؟
وأوضح خالد الجندي: “مثلا يقولك عيد الحب، أيوة مفيش حديث ولا آية بتقول يلا نعيد عيد الحب، ولكن نفتكر في يوم قيمة المحبة بين الناس، ومش المحبة اللي في دماغ بعض المهاويس والمراهقين، واحنا لم نبتكر شعيرة دينية في هذه المناسبة”.
وواصل خالد الجندي: بعض الناس دماغهم شمال، فلما تقولهم عيد الحب يقولك يعني أنت بتشجع على الزنا والدعارة، وبتشجع على البدع، لكن يأخوانا لم نقل يلا نصوم أو نصلي في عيد الحب أو عمرة عيد الحب، لكن بنقول افتكروا قيمة المحبة، الناس اللي دماغها شمال، حالتها يوم القيامة هتبقى من أهل الشمال.
واستكمل خالد الجندي: “احنا مش بنقول حاجة دينية في عيد الحب، احنا بنقول تفكروا قيمة المحبة وعيد الحب بين الشخص وبين أبوه وصديقه وأهله”، مضيفا:”الرسول أمرنا بنشر المحبة وربنا بيقول في كتابه العزيز: وتعاونوا على البر والتقوى ولا تعاونوا على الإثم والعدوان”.
