هاجمت سيدة الأعمال ندى الكامل، طليقة الفنان أحمد الفيشاوي، إحدى متابعيها أمس عبر موقع تبادل الصور إنستجرام، بسبب انتقاداها لملابسها وعمليات التجميل التي تجريها في وجهها وجسدها.
حقيقة زواج ندى الكامل
وكشقت ندى الكامل أمورا كثيرة من بينها حقيقة ارتباطها، مؤكدة أنها مازالت عزباء ولن تتزوج مرة أخرى، كما ردت على منتقدي مظهرها وملابسها.
وكتبت ندى الكامل عبر خاصية استوري على حسابها بموقع انستجرام: “أنا لسه سنجل ولا أبالي، ومش عايزة أتجوز تاني لأني اتجوزت واتبسطت جدًا وكنت سعيدة ومش هكررها تاني”.
وهاجمت ندى الكامل إحدى متابعاتها بعد سؤالها عن خوفها من الحساب وعقاب الله بسبب ملابسها، قائلة: “يعني إيه مش بخاف من الحساب ومش خايفة أخد ذنب؟ ما طبيعي كلنا خايفين من الحساب ومش عايزين ناخد ذنوب، بتفصليني عن باقي البشر ليه؟ كلنا عندنا نفس لوامة أو معظمنا، وأظن دا أحسن بكتير من النفس الأمارة بالسوء”.
وواصلت: “ركزي في نفسك عشان ترتاحي ومتبقيش تبصي عليا لو مضايقاكي، أنا لوحدي جيت ولوحدي عشت وبردو هنزل المتر في متر لوحدي، ساعتها أنا اللي هكون ملزمة أرد على السؤال دا وقتها، لكن مش ملزمة أرد عليه حاليًا”.
ندى الكامل وعمليات التجميل
وتطرقت للحديث عن عمليات التجميل، قائلة: “أي حاجة تفرحك وتخليكي مبسوطة قدام المراية وعقلك واعي وعينك مبسوطة بالمنظر أعمليها، ومش شرط تجميل بس، إنما أي حاجة لأن الإنسان لو مساعدش نفسه وطور منها محدش هيساعده”.
كما كشفت مواصفات فتى أحلامها، متمنية الارتباط بـ رجل ذكي وجميل ومتعلم ومشغول دائما وهادئ ومحترم، ولكنها لا تفكر في الزواج حاليًا، وتحاول التركيز على سعادتها وحياتها فقط.
